Trass ein regntung laurdag synest folk flest å ha storkost seg i fjellheimen. Og trass regnet var festivalplassen fylt opp nesten frå starten i går. Katzenjammer fekk vel merke uværet verst, då vinden stod inn på scena og blautla både instrument og dei energiske jentene i bandet. Men dei jamra seg ikkje for det. Tvert om såg både band og publikum ut til å vera frå seg av begeistring. Og aldri før har festivalplassen vore å full klokka to på dagen. Katzenjammer innfridde med andre ord, og laga liv med alle sine samspel av finurlege instrument.
Eit par imponerand utanlandske innspel fekk vi også møte i Siluet og Jimmy Bowskill, henhaldsvis frå Belgia og Canada. 17-årige Bowskill levde verkeleg opp til nemninga «gitarfantom» med sine vanvittige fingerferdigheiter. Karl Seglem leverte ein stødig og flott konsert med sine bukkehorn og saksofon, men ikkje overraskande var det Valkyrien Allstars som fekk losna opp stemninga for alvor. Publikum held koken kvelden ut med Strandingarna og Snuff Grinders sitt forrykande danseshow, før Madrugada avslutta Vinjerock for denne gong.
Sjå fleire bilde frå Vinjerock her