Overrekkinga skjedde på julefesten til leikarringen Symra i Oslo laurdag. Knut kvitterte med å spela på hardingfela si – dels aleine, dels i lag med brørne Kjell (trekkspel) og Jørgen (gitar), og andre.

Inspirator for leikarringar
Den største innsatsen har Knut gjort som spelemann for mange leikarringar og lag i Oslo gjennom ei årrekke.
Han var tidleg ute med å spele inn turdans og gamaldans på band og seinare på CD. Det har vore til stor hjelp for leikarringar og gamaldansklubbar i heile landet.

Mange opptak
Knut Trøen Han vart A-klassespelemann i 1963, men har ikkje vore nokon trottig kappleikdeltakar. Han har vore dommar på kappleikar og ofte spelt for kappleikdansarar.
Med eigen trio har han sytt for god dansemusikk på eit utal dansefestar og leikfestar.
Knut har også ofte vore å høyre i radioen. Han har spelt inn ei lang rekkje låttar for Folkemusikkarkivet i Valdres. Knut har også vore spelemann på mange turar i utlandet. På grunn av sjukdom har det blitt mindre offentleg speling dei siste åra.

God ambassadør
Ikkje har han berre spelt godt; med sin veremåte og fine framferd har han vore ein god ambassadør for folkemusikken.
Knut er æresmedlem i fleire lag, mellom dei leikarringen Symra. For nokre år sidan fekk han Haldor Røines ærespris. For innsatsen sin som lagersjef i Volvo i 31 år, har fått Norges Vels medalje.
Knut Trøen vart fødd i Slidre i 1932. Han flytta til Oslo som 18-åring. I fjor drog han tilbake til Valdres, og har slått seg ned på Fagernes.