Kraftverk i drift
Høgfoss kraftverk i Buvasselva på austsida, langt sør i Begnadalen, starta i 1916, framleis i drift. Planar om oppgradering, ikkje utgreidd. Eigd av dei to Hougsrud-gardane.
Bagn kraftverk i Begna, 307 GWh, sett i drift fyrst på 1960-talet. Eigd av Skagerrak kraft 80 %, Storbrofoss kraftanlegg 20%.
Eid kraftverk i Begna, 53 GWh, starta i år 2000. Eigd av Oppland Energi.
Koparvike kraft i Begna, 3 GWh, starta hausten 2003. Eigd av Koparvike kraftverk AS.
Fønhus kraft i Pullebekken på austsida i Hølera, 3,2 GWh, starta våren 2004. Eigar: Arne Erik Fønhus, Mikael Fønhus og Einar Sofienlund.

Under bygging
Reinli kraftverki nedre del av Reina i Bagn, 6,8 GWh, startar vinteren 2007-08. Reinli kraft AS (mange lokale eigarar og Multiconsult i Østfold).
Kvednaelva på austsida i Bagn, 0,35 GWh, utbygginga har så vidt starta. Ole Erling og Ståle Bakkejordet.

Under planlegging
Islandsmoen minikraftverk i nedre del av Islandselva på vestsida 5 kilometer sør for Bagn, 1 GWh, kan bli byggjestart i 2007. Utbyggjar: Koparvike kraf AS.
Kvennfossen kraftverk i Begna, 20 GWh, kan bli byggjestart i 2008-09. Vil bli danna AS med lokale eigarar og HydroPool Gruppen i Lier.
Begnadalen kraftverk i Begna, 55-70 GWh, tidlegast byggjestart i 2010. Vil bli AS.

På tankestadiet
Islandselva, øvre del mellom Sæterbrua og Vassteinbekken, på vestsida sør i Bagn. Betydeleg fall, men lite vatn. På planstadiet v/Mikael Dølven.
Reina, øvre del, og Ådnesbekken, i Stavadalen. Lite utgreidd og lite kraftverk, v/grunneigar Egeberg.
På Langedrag har Trygve Langedrag tankar om elvekraftverk, ca. 1,5 GWh, pluss minikraftverk i Sagbekken.
Langvassbekken, austsida i Begnadalen, ukjent storleik, har tidlegare vore kraftverk her, v/Mikkel Eid.
Ved Begna, på austsida ved Koparvike kraftverk, har Arne Olav Langedrag signalisert interesse for kraftverk i austre løp av Begna. Tidleg stadium, kanskje om lag 3 GWh.
Buvassfaret på auståsen i Begnadalen, har Rasmus Piltingsrud tankar om utbygging av Gravvasselva og Tverrvasselva. Vassdraget er verna.
Dalengbekken på vestsida i Begnadalen. Har vore kraftverk der tidlegare. Tidleg stadium, Rasmus Piltingsrud.
Muggedøla sideelv på vestsida i Begnadalen. Verna vassdrag, forundersøkingar og NVE har pålagt konsesjonsplikt. 3,2 GWh, Magne Stensrud m/fleire.
Hølera på vestsida i Hølera sør for Bagn. Fønhus- og Olmhus-gardane har hatt kraftverk der til for 20-30 år sidan. Oppjustere det gamle eller byggje nytt. Tidleg stadium. Vassdraget er verna.
Liabekken i Liagrenda, grense til Nord-Aurdal. Potensial for utbygging, men ingen vurderer det. Med i NVE-analyse.
Liabekken på austsida ved Fønhus i Hølera. Utgreidd, men ikkje lønsamt nok. Mikael Fønhus.
Busua i Hedalen, verna vassdrag. Gunnar Heiene har arbeidd med planen ei tid, som er stoppa av fylkesmannen og NVE. Plan på 6,4 GWh må eventuelt halverast.
Jøsbekken nord for Busua i Hedalen, verna vassdrag, tidleg stadium for eit minikraftverk. Kjensrud.

Nøkkelord: Nyheter​