Det melder Øystre Slidre kommune, som har fått i alt 13 209 namn i bøkene, fordelt på 12 toppar:

<b>Namna er fordelt slik: </b>
Synhaugen: 1707 namn
Rabbalsmellen: 1459
Gravolskampen: 1263
Kjølafjellet: 1182
Melbysfjellet: 1172
Skarvemellin: 1145
Brummaknatten: 1091
Tansberghøgde: 1002
Kvithøvd: 995
Smørkøll: 814
Svarthamartinden: 799
Store Nuten: 480


521 personar har registrert seg på alle ti toppane i år og får eit porselenskrus med motiv frå Store Nuten i premie. Dei 55 som no har delteke i Fjellstafetten i fem år og vore på alle toppane kvart år, får ei t-skjorte!

Det er trekt ut 25 tilfeldige namn frå bøkene. 13 av dei, får ei kartmappe med kompass tilsendt i posten, medan 4 får ein fleecevest, og 8 får ein turkopp i premie.

Skulekonkurransen er vunne av Rogne skule med 139 poeng i gjennomsnitt per elev. Heggebø skule, som vann i fjor, kom på 2.plass med 107 poeng.

Barnehagekonkurransen vart vunne av Heggebø barnehage med 133 poeng, med Rogne Barnehage på andreplass med 32 poeng.

Vinnarane får kvar si skiferplate med motiv frå Store nuten, måla av Lynn Hege Røyne Myrvang og ei korg med frukt.