Blant åtte alternativ landa dei folkevalde på det med minst innsparing. Vedtaket inneber at dei 14 elevane ved Åsvang blir flytta til Høre skule frå neste haust.

Øye skule, med 19 elevar, får bestå, noko som vekte spontan applaus blant dei mange øyreværingane på tilhøyrarbenken.

Alternativet som fall i siste runde gjekk på å flytte elevane frå Øye til Vang barne- og ungdomsskule (VBU), og Åsvang-elevane til Høre. Dette ville gjeve ei innsparing på 2,3 millionar kroner.

Fleire av politikarane ga uttrykk for at dei fryktar det no må til nye rundar også rundt skulestruktur for å få budsjettet i balanse.