Jan Beitohaugen Granli er i dag ein av landets aller fremste spelemenn. Han har vunne Landskappleiken (NM) heile fem gonger, han har hatt statens arbeidsstipend for kunstnarar og han har for tida Oppland fylkes arbeidsstipend for 2008-2010.

Den førre plata hans vart nominert til Spellemannspris, og ein musikkvideo som vart laga til plata vann kortfilmfestivalen Zoomin i Oslo.

Beitohaugen Granli er tradisjonsberar etter spelemennene Nils og Embrik Beitohaugen, som båe levde på garden Beitohaugen.

Han har før denne plateinnspelinga satt seg spesielt inn i tradisjonane etter Beitohaugspelemennene, og det er difor gledeleg at eigaren av den gamle og fint ivaretakne garden Beitohaugen, Nils Tormod Tørto, har opna garden for plateinnspelinga.