Innbyggarar over 18 år i til saman 12 bygder i Valdres, to for kvar kommune, blir invitert til å delta i ei stor undersøking våren 2010.  

Undersøkinga er ein del av prosjektet «Valdres Viser Veg». Professor Tom Sørensen ved Universitet i Oslo er fagleg ansvarleg for undersøkinga, har ansvar for utarbeiding av spørjeskjema og analyse av data. Han har erfaring frå liknande prosjekt mellom anna i Lofoten (Liv laga i Lofoten). Nasjonalt folkehelseinstitutt er også samarbeidspartnar.    

Målet med undersøkinga  

Målet med undersøkinga er kartlegging av korleis innbyggarane opplever bygda dei bur i.  Dette vil gje informasjon til kommunen og politikarar, til lokale lag og foreningar, som er oppteken av utvikling og trivsel, om kva innbyggarane er oppteken av, kva som vert oppfatta som styrker, og om utfordringar.  I Lofoten ga informasjon frå tilsvarande undersøking grunnlag for målretta prosjekt og nytt engasjement i fleire bygder.   
Det skal også kartleggas korleis innbyggarane opplever eigen helse, fysisk og psykisk, og evne til å hanskast med utfordringar i livet.

Forhold knytt til gardsdrift
Undersøkinga har også tatt med ein del spørsmål spesielt for personar som bur på gard, dette er spørsmål som også vart brukt i undersøkinga om kvinner og tilflytting. Svar på desse spørsmåla vil vera nyttig for dei som arbeider for å oppretthalde og utvikle landbruket sin plass i Valdres. Det er og viktig for prosjektet Mø talast i Valdres   
Undersøkinga kan også sjå om det er særlege forhold ved bygdene som påverkar innbyggarane sin oppleving av eigen helse og evne til å møte kriser i livet.  

Gjennomføring  
Det er ei anonym spørjeundersøking, det vil ikkje vera muleg å finne tilbake til den enkelte som har svart.  
Alle kommunane i Valdres har plukka ut to bygder, (Hedalen, Reinli, Bruflat, Steinsetbygda, Aurdal, Ulnes, Røn, Lomen, Åsvang, Øye, Skammestein og Volbu) der innbyggarane over 18 vil få utdelt skjema.

Erfaring frå andre stader viser at svarprosenten aukar stort ved å dele ut og hente inn skjema, i staden for å bruke post.  
– Vi har som mål å dele ut skjema, anten ved å levere det på døra, eller legge i postkasser, og så hente dei inn 3 – 7 dagar seinare. Det vil også vera muleg å levere utfylte skjema til kommunen, og vi vurderer også andre mulegheiter.   
        
– Vi har bedt sanitetsforeiningar, helselag og andre organisasjonar som har folkehelsearbeid som ein del av sitt formål til å hjelpe oss med denne store jobben, Valdres Viser Veg, Berit Synnøve Øygard i ein pressemelding.   
 
- Vi håper å ha gjennomført undersøkinga i løpet av mars-april. Dei første planlegger å starte før påske.

Formidling av resultat
Professor Tom Sørensen er ansvarleg for å analysere data.  
Resultata vil bli presentert for kommunane i Valdres, men først og fremst i dei bygdene som deltek i prosjektet. Det er viktig at informasjonen kjem tilbake til dei som har medverka.
Når data er analysert vil Valdres Viser Veg samarbeide med kommuneleiing og lokale lag om formidling av resultat.