Flott med ekstra midlar til festivalar og kultur i Valdres! Det einaste som er synd er at det er kun Landbruksdagen og Sol av Isfolket som nyttar midla til utviklande føremål. Ser heilt klart at Vinjerock treng midlar, men vert overraska at dei nyttar det til eit nettbasert dugnadhandteringsprogram som det fins fleire av på marknaden til langt under 35k. Kan ein kanskje forvente at det vert meir bærekraftige festivalar i Valdres snart? Stiller store spørjeteikn ved økonomistyring, budsjettering og kompetanse rundt omkring. I tillegg bør det stillast meir krav frå næringslivet som ukritisk sponsar store ord og lovnadar. 

Tja... Det er jo lett å uttala seg kritisk ut frå denne saka, som er ganske enkel. Det finst ein del dugnadshanteringssystem på marknaden, nokre av dei til og med gratis - men vi har framleis til gode å finne noko som som høver til våre behov. Dei systema vi har funne, som delvis kan nyttast til formålet, har ein årleg kostnad på det beløpet vi har fått innvilga her. Då tenkte vi det var like greit å byggje opp noko sjølve, som alle dei andre festivalane i Valdres kan få nytte og. Arbeidet med å handtere frivillige (opptil 500 av dei på enkelte av festivalane) er utruleg tidkrevande, og noko alle festivalane kan tene stort på å få løyst på ein enklare og betre organisert måte. Stort utviklingspotensiale! Dette har ingenting med korvidt festivalane i Valdres er bærekraftige enn ikkje. Dei aller fleste av oss driv med sunn og god økonomi i dag, men har ikkje rom for store inveseteringar attmed den ordinære drifta. Difor er det tipp topp at VNK gjev oss denne moglegheita til å få realisert gode idear. Og hvis vi fyrst skal snakke om sponsing kan vi jo ta ei samanlikning opp mot kva fotballen får (utan å seie noko som helst stygt om fotballen). Kulturen får småpengar i forhold. Om det skal stillast noko krav her så må det vera at båe sider, både festivalane og næringslivet, jobbar aktivit for å finne nye måter å samarbeide på. Det tener begge partar langt meir på enn å bytte nokre kroner mot ein logo her og der. 

Eg har tenkt å søkje offentleg stønad, eit par millionar eller så, for å utvikle ein database der eg skal leggje inn alle oppfinnarane av hjulet. Neste gong nokon vil finne opp hjulet på nytt kan han/ho gå inn i basene og så ta kontakt med nokon av dei tidlegare oppfinnarane for å få gode tips. Eg tykkjer ideen er så god at eg trur eg søkjer om 10 millionar i stønad. 

Ikke for å skuffe deg ole men det er noen som har funnet opp hjulet fra før, tenker du blir glad for denne informasjonen for som jeg ser så utrykker du deg på nynorsk å da regner jeg med at du henger en del etter ... : ) 

Nå var det vel ikke oppfinnelsen av hjulet det skulle søkes støtte til, så her er det kanskje dine problemer med å lese nynorsk som er størst? :) Synes forøvrig det er bra at festivalene i Valdres får støtte til konkrete utvklingstiltak. Lett målbart, og det stimulerer til ytterligere profesjonalisering. Ingen setter dalføret vårt like godt på kartet som disse festivalene! Husk på hvor uendelig mange timer med dugnadsinnsats som ligger bak dette... 

Ære til alle som får skapt litt liv rundt oss, med eller utan tilskot. Her i dalen har vi ein tendens til å tru på at eit augeblink med fokus er saliggjerande for framtida til alle som bur i dalen. Slik er det ikkje. Kor mange arbeidsplassar har komme ut av alle prosjekt, festivalar og utbyggingar som har fått offentleg støtte dei siste ti åra? Er det so mange at det er verdt dei 70-100 millionar kronene som fylkeskommune, kommunar, region og VNK har ausa ut for berre moro og tidsfordriv for by- og bygdefolk? Det er greit med kultur og det som skapar liv, men å tru på at det profilerer Valdres, og ikkje minst skapar eit grunnlag å leve på, er som å tru på julenissen. Eg skal vedde oterhovudet mitt på at det ikkje er ein kjeft som tenkjer på å flytte til Voss, berre avdi dei har ein smalhovedfestival der som samlar 50000 vitjande kvart år... 

Ikkje all verdas lett å måle akkurat det du snakkar om der, men vi har erfart at (overraskande!) mange Vinjerock-gjester og -frivillige utanbygds frå har vore oppriktig interessert i kva slags jobbmoglegheiter som finst her i dalen. Det skuldast eine og åleine at dei har følt seg velkomne i Valdres, og hatt ei oppleving som har gjeve meirsmak. Kor mange av dei som kjem til å flytte hit anar vi ikkje, men eg er ikkje i tvil om at mange av dei vil vurdere Valdres langt sterkare enn før om det dukkar opp ei moglegheit her :-) Storparten av vårt publikum er friluftsinterresserte folk frå byane, som lengtar til fjells dag ut og dag inn - og drøymer om å bu ved foten av fjellheimen. Men det fordrar jo at noko følgjer opp i etterkant... det må smiast medan jernet er varmt! Vi inviterer dei til dalen, og gjev dei eit godt inntrykk, så må det vera opp til dei rette aktørane rundt oss å få lokka dei til å bli. Ein festival åleine er ikkje nok til å utrette eit tilflyttingsmirakel, men det er utvilsomt eit viktig virkemiddel på vegen mot målet. 

Ja det er mange gilde festivalar både her i Valdres og ellers i landet. Dugnadsinnsats er sers viktig for å få slike festivalar til å gå. Det fine er at dugnadsinnsats er ei fornybar ressurs og kan brukast oppatt og oppatt. Men det som er sermerkt for fornybare ressursar er at dei kan overbeskattast, og då kan det gå lenge før dei tek seg opp att. Tilskott kan vere ein kveik og ei starthjelp, men får ein tilskott for lenge så er det som med heroin, ein blir hekta og klarer ikkje å leve utan. Hvis etablerte festivalar og arrangement skal ha tilskott år etter år, vil dei utkonkurrere og verke kvelande på nye initativ som sårt kan treng litt økonomisk starthjelp. Når festivalleiinga brukar mykje av tida si på å søkje tilskott, blir det mest som når gamle junkiar brukar all tida si på å skaffe seg dopen dei ikkje kan klare seg forutan. Å gje 35 tusen til utvikle eit datasystem vert nå vel mest eit slag i lufta. Skal eit slikt system dokumenterast og kvalitetsikrast slik at andre skal kunne nytte det, uten at den eldsjela som har utvikla det er i kulissane for brannslokking og assistanse, så må ein nok opp i minst det 10-doble. 35 tusen er jo knapt ei månedsløn. Ein tidlegare kollega av meg meinte at sumar-Norge var så fullt av festivalar og sogespel at dei ikkje lengre fekk plass i toppen av ei vanleg Maslows pyramide. Han meinte at pyramida måtte snuast med spissen ned og botnen opp, men framleis med dei grunnleggjande behova nest. Sia pyramida vart breiast øvst blei det nå plass til all sjølvrealiseringa i øvste etasje. Men ei pyramide som står på spissen er ikkje serleg stabil. Kanskje det er ein ubalanse mellom dei ulike satsingane i samfunnet, litt for mykje på tidtrøyte og litt for lite på grunnleggande og matnyttige produksjonar?  

Tykkjer Eirik Høyme Rogn er ein dyktig debatant og bøyer meg i støvet for ein som får til ein festival midt i Jotunheimen! Hadde aldri vore mogleg i mange delar av landet. Samanlikningar med idretten og spesielt fotballen så kjem kanskje kultur og festivalar litt etter. Samstundes er eg kanskje mest skeptisk til måten folkemusikken vert sponsa i Valdres. På kynisk vis deler folkemusikklag seg opp i undergrupper og søkjer midlar til mange forskjellige avdelingar sjølv om det eigentleg er eit folkemusikklag. Mange er godt skodde få før med både kapital og eigedelar, men mykje vil ha meir. Det vert oppretta stillingar som synes mest å vera til å skaffa inntekt for ildsjelar i laga, stønad til kurs og seminar der få deltek samt dårleg utarbeida prosjekt av ymse slag. Når det er sagt så meinar eg heilt klart at kultur er noko av det viktigaste i eit samfunn. Kultur er sjølve identiteten til eit samfunn og særs viktig for Valdres, men det må vera lov å oppmoda både søkarar og bidragsytarar om å tenkje seg om ei gong til. Kulturmidlar bør ikkje vera til dei som skrik høgast, har det mest profesjonelle brevpapiret eller er mest taktiske i søknaden sin. Det må vera ei breidde i tilsegna. Ein bør også kunne forvente at store aktørar som har heilårsdrift og utselde arrangement kan stå på eigne bein. Sjølv om folkemusikk er ein viktig tradisjon i Valdres, bør det koste fleire hundretusen å halda det i hevd? Kva skjer om 30 år - 40 år dersom det er pengane som held tradisjonar i live? Trur dette er noko av essensen i kultur og tradisjon. Initiativ og oppslutnad kjem ikkje berre frå kapital, reklame, organisering og administrering. Ein dansar, spelar og høyrer på fordi ein er genuint interessert. Til slutt må det seiast at det er flaut at Øystre Slidre kommune ikkje fann råd å få husa Frikar i kommuna. Bærekraftig, innovativt, skapande og ungdommeleg. Desse adjektiva kan ikkje vanlegvis plasserast på folkedans. Med dette takka Øystre Slidre nei til eit akademi i verdsklasse. Gratulerer med århundret si dårlegaste avgjerd. Hald fram med å subsidiere springarkurs med 5 deltakarar. 

eterer 

Takkar for fine ord frå deg, Trond, men her må det presiserast at dette er resultatet av enorm innsats frå eit stort fellesskap. I samarbeid legg vi ned ca 15.000 dugnadstimar i samband med kvar einaste festival på Eidsbugarden. Det er utrulege mengder med arbeid, som beror på innsatsen frå mange unike eldsjeler - bde lokale og uttabygds folk. Når det er sagt så er eg heilt klart einig med Ole i ein del av poenga hass. Det er ikkje mange år sidan vi var "underdogs" sjølve, og sleit hardt med å markere oss i kampen om merksemda og støtta mot dei etablerte og kjende festivalane. Eg er veldig for at nye og gode initiativ må få oppbacking frå offentleg hald, samstundes er det viktig at eksisterande arrangement får moglegheit til å vidareutvikle seg. Basisen bør vera at kjernearrangementet i seg sjølv må vera sjølvgåande etter ei viss tid. Det er også eit krav som har vorte stilt til oss, og som vi etter tre år lukkast med. Men driftsmarginane er såpass små og risikoen såpass høg når alle inntektene beror på nokre få dagar i løpet av året, at det er lite rom for nye store satsingar utan ein viss grunnmur. Difor set eg stor pris på VNK belønnar vilje til nyskaping og vidareutvikling blant dei etablerte arrangementa. Over og ut, no må eg snart til fjells! Og om de har billett, båe to, så tek eg gjerne ein kaffe og diskuterer vidare :-)