Stortingsrepresentant Anne Tingelstad Wøien stod for snorkuttinga, som vart gjort med ein skarpslipt anleggspade. Ordførar Knut Haalien takka henne spesielt for innsatsen ho la ned for gang- og sykkelvegen i Vang då ho var politisk rådgjevar i samferdselsdepartementet, medan Liv Signe Navarsete var statsråd.

Mange å takke

Haalien gratulerte bygdefolket med den flotte gang- og sykkelvegen. Han takka Statens vegvesen for den flotte gåva, og representantar for entreprenørane AF Valdres for godt utført jobb.

Bløtkake

Elevar frå kulturskulen stod for musikalske innslag i samband med opninga og nokre av bygdefolket nytta høvet til å seie kor nøgde dei var over å ha fått det tryggare for dei mjuke trafikantane. Til slutt rusla alle dei rundt 80 frammøtte langs den nye gang- og sykkelvegen til Vang Kro for å feire med bløtkake, kaffe og brus.