Musikken er komponert av Marit Karlberg,  og arrangert i lag med musikarane. Tekster skrivne av Eldgrim Springgard.  Musikken er ein svært viktig del av det kunstnariske uttrykket i Sol av Isfolket. Cd`ein vert slept på premieredagen 15. juli på Valdres Folkemuseum.

I «Sol av Isfolket» møter du dei gamle instrumenta som gjerne står åleine, men og vil spele saman. Hardingfela - natur og sivilisasjon i eit og same instrument. Lur, bukkehorn, seljefløyte og sekkepipe - rett frå naturen, med dyriske drag. Munnharpe og trommer - hjerteslag, heftig puls. Trøorgelet - skjebnetungt og pustande. Harpe, lyre og gitar - mellomaldersk, evig ungt. Stemma - mennesket, åleine. Musikarane er profesjonelle og svært dyktige på sine instrument.

Jan Beitohaugen Granli vert rekna som ein av landets fremste spelemenn, og er fem gonger Noregsmeister på hardingfele. Rune Glimsdal er både musikar, komponist og produsent. Stein Villa er spesialist på gamle folkemusikkinstrument, han trakterer eit utal instrument  og er ein multimusikar. Eilif Gundersen trakterer ulike blåseinstrument og hentar det meste av repertoaret sitt, frå folkemusikken i Hallingdal, og har vore med på fleire plater. Komponist Marit Karlberg er kvear og forteljar i stykket.