Budeie Margit Gardshaug ystar i mjølkebua, det blir sal av kaffi og vaflar og langeleikspelar Erika Hoffmann underheld i selet.    

Konsetar
Det blir også fleire konsertar utover i veka. Den fyrste på måndag, da Atle Lien Jenssen med venner spelar opp til dans. Atle Lien Jenssen er Valdres-ven, felespelar og fylkesmusikar i Hedmark. Jenssen er ein av landets mest allsidige folkemusikarar. I tillegg til fela trakterer han instrument
som gitar, mandolin, bukkehorn, fløyter og durspel. Jenssen har gjort eit omfattande innsamlingsarbeid av tradisjonsmusikk i Hedmark og medverka på ein rekke plateinnspelingar. På konserten spelar han åleine og saman med folkemusikkvener frå Valdres.  

Stølsforsking
Tysdag 13. juli blir det presentasjon av tidlegare stølsforsking ved Ingar Ranheim. Valdres Folkemuseum har arbeidd med stølsdrift og stølskultur sidan museumsstyrar Knut Hermundstad (1888–1976) si tid på 1950- og 60-talet. På 1980-talet skipa museet til fleire seminar om stølsdrift og på 1990-talet deltok museet i ulike forskingsprosjekt. Rapportane «Levande stølar, forprosjekt om historisk beitepress» (2002) og «Nomadar gjennom tusen år, ein samtidsdokumentasjon av stølslivet i Valdres ved tusenårsskiftet» (2006), var resultatet av denne deltakinga.
Kva no? Korleis er situasjonen på stølane i dag? Er regionen si satsing på støling og stølskultur i tråd lokale natur- og kulturverdiar? Fører vi gamle tradisjonar vidare eller har kommersialisering og merkevarebygging ført til einsretting og forflating?

Ost
Onsdag er det klart for Valdres-ostar. Det blir presentasjon av eit bokprosjekt ved Helge Gudheim som er klar med ny bok. Denne gongen handlar det om dei gamle Valdres-ostane – som få hugsar eller veit korleis blir til. Gudheim kjem òg med tankar på osteproduksjon i Valdres i dag.