Vindfallet tok også med seg telefonlina og skada autovernet.

Ingen personar vart skadde, men for avisa Valdres sin utsendte var situasjonen nokså dramatisk då vindfallet skjedde 50 meter framfor bilen.

Det var tidvis kraftige vindkast i Vang på morgenen, og då det verste sto på var Vangsmjøsa frådande kvit. Det låg også mykje kvist og kratt i vegbanen over ein lengre strekning av E16 i det same området.

Det vart fort lange køar på båe sider av staden der vindfallet skjedde. Vegsentralen og vedlikehaldseininga til Mesta, som har tilhald ved Riste bru i Lomen, vart varsla umiddelbart. Vegen vart fort opna då vedlikehaldsmannskap med eigna utstyr kom til stades.