Det kraftige snøfallet samt kram snø, gjorde at fleire hadde problem med straumen måndag.

– Vi har rydda bra under linjene, men på Eggeåsen var det eit par bjørketre som kvila seg på straumlinja, fortel Nils Harald Mørstad i Valdres Energiverk.

Legg seg på linja

Frostnåler gjev godt feste for snøen som fell og det var noko av grunnen til straumbrotet.

– Lauvskog legg seg lettare på linja enn annan vegetasjon, seier Mørstad. – I tillegg klistrar snøen seg på linjene etter at frostnåler lagar eit godt liggjeunderlag.

Problema varde berre eit par timar måndagsmorgon.