VANG: Kulturskulerektor og klassisk gitarist Oddbjørn Skeie er primus motor for arrangementet, saman med Vang frivilligsentral.

Med seg på konserten har han Trond Davidsen, som sidan tidleg 90-tal har spelt årlege turnear i Rikskonsertene samt hatt konsertar som solist og i kammermusikk-prosjekter i USA, Mexico, England, Italia, Slovenia, Spania og Nederland. Han har gitt ut 6 CD`ar, den siste med Arctic Guitar Trio. Han har også vunne publikumsprisen i NRK sin Talentiaden, og han vant første pris i Skjeberg nasjonale gitarkonkuranse i 1991.

– Trond og Oddbjørn vil både spele duettar og solostykkjer. Det vil også bli eit lite gruppeinnslag av elevar frå Vang kulturskule i starten. Konserten er gratis og open for alle – velkomne, melder Marte Tangen ved Vang Frivilligsentral.