Gå til sidens hovedinnhold

Ny person i Øystre Slidre bekrefta smitta av covid-19 – 29 personar flytta frå vente- til smittekarantene

Kommunelege Arild Jacobsen informerer om at ytterlegare ein person laurdag er bekrefta smitta av covid -19 i Øystre Slidre kommune.

Øystre Slidre: Dette smittetilfellet har samanheng med det tilfellet som vart meldt fredag.

Som ein følgje av dette er no 29 personar som var i ventekarantene no sett i smittekarantene. I tillegg er om lag 10 personar i ventekarantene.

Jacobsen opplyser at det ikkje er sett fleire personar i karantene som ein følgje av den siste positive testen.

Avdelingane Juvike, Midthøgde og Smørkøll på Øystre Slidre helsetun er stengt for besøkande i helga. Dette er utelukkande eit førebyggjande tiltak; ingen pasientar eller tilsette på helsetunet er så langt råka av smittetilfellet. Det vil bli gjort ny vurdering av dette måndag.

Kommentarer til denne saken