VANG: Etter at Mesta fekk tilgang til Rødølstunnelen frå 4. mai, har dei sett seg inn i elektroarbeidet som Aldesa har utførd.
– Vi har hatt ein effektiv prosess med å ta stilling til omfanget av opprettingsarbeid som må utførast, parallelt med at Mesta har starta både planlegging og utføring av arbeidet. Mesta vil i hovudsak vera ferdig med sitt arbeid tett opp til sommarferien, seier prosjektleiar Odd Erik Haugen i Statens vegvesen.
– Saman med Mesta Elektro, vil Statens vegvesen gjera alt me kan for å få opna tunnelen for trafikk så fort som mogleg
Teste sikkerheitssystem
Etter det skal byggherre og vegtrafikksentralen (VTS) testa sikkerheitssystema i den 2 kilometer lange tunnelen, før vegdirektoratet kan gjennomføra sikkerheitsgodkjenningsprosessen.
– Mesta har levert ein god framdriftsplan, og sidan dei ikkje får full oversikt over elektroanlegget før arbeidet er godt i gang har dei naturlegvis lagt inn litt ekstra tid. Vi har inntrykk av at denne planen er gjennomførbar, slik at det er gode sjansar for at tunnelen kan opna i september, seier Haugen.
Rødølstunnelen er del av veganlegget E16 Øye – Eidsbru, den siste delstrekninga på E16 Filefjell.
Mange månader forsinka
Opphavleg skulle nye E16 Øye-Eidsbru vore ferdigstilt før jul i 2018, og hovudentreprenøren Strabag hadde signert kontrakt på at selskapet skulle levere frå seg anlegget i ferdig tilstand 24. november 2018. Men anlegget har vorte forseinka av ulike grunnar. Les om det her:
Vegvesenet varsla heving av elkontrakt og vurderer dagbøter på Øye-Eidsbru
Vang: Statens vegvesen har overtatt kontraktsarbeidet for Aldesa i E16-tunnelen
